monumenta.ch > Tertullianus > sectio 3
Word Selection for Searching
Report an Error in this Sectio
Tertullianus, Apologeticus adversus Gentes, 50, 3
Hic est habitus victoriae nostrae; haec palmata vestis ; tali curru triumphamus. Merito itaque victis non placemus; propterea enim desperati et perditi existimamur. Sed haec desperatio et perditio penes vos, in caussa gloriae et famae, vexillum virtutis extollunt. Mucius dextram suam libens in ara reliquit: o sublimitas animi! Empedocles totum sese Catanensium Aetnaeis incendiis donavit: o vigor mentis! Aliqua Carthaginis conditrix rogo secundum matrimonium dedit: o praeconium castitatis!